'యాదాద్రి జిల్లాలోని గిరిజన తండాలలో ఎమ్మెల్యే పర్యటన'
యాదాద్రి భువనగిరి జిల్లా నారాయణపురం మండలం రాచకొండ ప్రాంతంలోని గిరిజన తండాల్లో మునుగోడు ఎమ్మెల్యే కోమటిరెడ్డి రాజగోపాల్ రెడ్డి పర్యటించారు. చాలా సంవత్సరాల నుంచి ఇక్కడి గిరిజనులు సాగు చేసుకుంటున్న భూమి పట్టాలను ప్రభుత్వం రద్దు చేసింది. ఈ అంశంపై గిరిజనులు అధికారులు, ప్రజాప్రతినిధుల చుట్టూ తిరిగినా ప్రయోజనం లేకపోయింది. ఈ నేపథ్యంలో ఎమ్మెల్యే కోమటిరెడ్డి గిరిజన ప్రాంతాన్ని పరిశీలించి, వారితో మాట్లాడారు. ప్రభుత్వ హయాంలో ఇచ్చిన పట్టాలను రద్దు చేసి కేసీఆర్ ప్రభుత్వం గిరిజనులను ఇబ్బందులకు గురి చేస్తోందని విమర్శించారు. పట్టాలు లేకపోవడం వల్ల రైతుబంధు, రైతు బీమా కోల్పోతున్నారని ఆరోపించారు. ఈ విషయంలో గిరిజనులకు అండగా ఉంటానని ఆయన హామీ ఇచ్చారు.