మీ కూతురి వద్దకు మిమ్మల్ని పంపిస్తాం: కేటీఆర్​ ట్వీట్​

అనారోగ్యంతో బాధపడుతూ కరోనా కారణంగా జార్జియాలో చిక్కుకున్న శివాణి పరిస్థితిపై కేటీఆర్ స్పందించారు. సోమవారం ఆమె తల్లిదండ్రులను జార్జియా పంపడానికి ఏర్పాట్లు చేస్తామని మంత్రి ట్వీట్​ చేశారు.

అనారోగ్యంతో జార్జియాలో చిక్కుకున్న యాదాద్రి భువనగిరి జిల్లా భువనగిరి పట్టణానికి చెందిన శివాణి వద్దకు తన కుటుంబ సభ్యులని పంపటానికి మంత్రి కేటీఆర్ సానుకూలంగా స్పందించారు. జార్జియాలో తమ కూతురి పరిస్థితిపై, పూర్తి వివరాలతో ఈనాడు పేపర్ కథనాన్ని జోడించి కేటీఆర్​కి ట్విట్టర్​లో పోస్ట్ చేశారు.

దానిపై స్పందించిన మంత్రి త్వరలోనే తమ ఎన్నారై డిపార్ట్​మెంట్ మిమ్మల్ని సంప్రదిస్తారని శివాణి కుటుంబ సభ్యులకు రిప్లై ఇచ్చారు. మంత్రి కేటీఆర్​ ఆదేశాల మేరకు ఎన్నారై డిపార్ట్​మెంట్​ శివాణి కుటుంబ సభ్యులను సంప్రదించారు. వారిని సోమవారం జార్జియా పంపటానికి ఏర్పాట్లు చేస్తున్నారు.

ఇవీ చూడండి:'రాష్ట్రంలో సకలం స్వీయ నిర్బంధం'