అనారోగ్యం వల్ల తీవ్ర మనస్తాపానికి గురై వ్యక్తి ఆత్మహత్య

యాదాద్రి భువనగిరి జిల్లా మోత్కూరు మున్సిపాలిటీ పరిధిలోని ఓ నగల దుకాణంలో పనిచేసే థామన్ అనే గుమాస్తా గత కొంతకాలంగా అనారోగ్యంతో బాధపడుతున్నాడు. ఆరోగ్యం విషయమై తీవ్ర మనస్తాపానికి గురై ఇంట్లో ఫ్యాన్​కు ఉరి వేసుకుని ఆత్మహత్యకు పాల్పడ్డాడు.

అనారోగ్యంతో బాధపడుతూ. తీవ్ర మనస్తాపానికి గురై ఓ వ్యక్తి బలవన్మరణానికి పాల్పడిన ఘటన యాదాద్రి భువనగిరి జిల్లా మోత్కూరు మున్సిపాలిటీ కేంద్రంలో జరిగింది. పట్టణంలోని సుందరయ్య కాలనీకి చెందిన థామస్ అనే వ్యక్తి పట్టణంలో ఓ నగల దుకాణంలో గుమాస్తాగా పనిచేస్తున్నాడు. గత కొంతకాలంగా అనారోగ్యంతో బాధపడుతున్నాడు. మంగళవారం రాత్రి నిద్రరాకపోవడంతో తీవ్ర మనస్తాపానికి గురయ్యాడు. ఇంట్లో ఎవరూ లేని సమయంలో బుధవారం ఉదయం ఫ్యాన్​కు ఉరి వేసుకుని ఆత్మహత్యకు పాల్పడ్డాడు.

మృతుని భార్య ఫిర్యాదు మేరకు పోలీసులు కేసు నమోదు చేసుకుని దర్యాప్తు చేస్తున్నారు. మృతదేహాన్ని శవపరీక్ష నిమిత్తం రామన్నపేట ప్రభుత్వాసుపత్రికి తరలించారు.

ఇదీ చూడండి:ఆ రాష్ట్రంలో గురువారం నుంచి పూర్తిస్థాయి లాక్​డౌన్