యాదగిరిగుట్టలో కోమటిరెడ్డికి ఘన సన్మానం

భువనగిరి ఎంపీగా గెలిచిన కోమటిరెడ్డి వెంకట్​రెడ్డికి నూతనంగా ఎన్నికైన సర్పంచ్​లు, ఎంపీటీసీ, జడ్పీటీసీలు సన్మానం చేశారు. ఆలేరు నియోజకవర్గంలో నైతికంగా కాంగ్రెస్​దే విజయమని వెంకట్​రెడ్డి అన్నారు.

యాదాద్రి భువనగిరి జిల్లా ఆలేరు నియోజకవర్గంలో కొత్తగా ఎన్నికైన సర్పంచ్​లు​, ఎంపీటీసీ, జడ్పీటీసీలు ఎంపీ కోమటిరెడ్డి వెంకట్​రెడ్డికి సన్మానం చేశారు. ఆలేరు నియోజకవర్గంలో 34 ఎంపీటీసీ, 3 ఎంపీపీ, 2 జడ్పీటీసీలు కాంగ్రెస్​కు వచ్చాయంటే నైతికంగా హస్తం పార్టీదే విజయమని వెంకట్​రెడ్డి అన్నారు. కాంగ్రెస్ ఎంపీటీసీలను తెరాస నాయకులు దొంగల్లా ఎత్తుకెళ్లారని విమర్శించారు. వచ్చే నాలుగేళ్లలో ఆలేరు సెగ్మెంట్​లో కాంగ్రెస్​ జెండా ఎగురవేయడమే తమ కర్తవ్యమని కోమటిరెడ్డి వెంకట్​రెడ్డి శపథం చేశారు.

ఇవీ చూడండి: 'గాంధీ కుటుంబం క్రియాశీలకంగా ఉండాలి'