హుజూర్నగర్ ఉపఎన్నికలో ఎలాగైనా గెలవాలని తెరాస దొంగ దారిలో వందల కోట్లు ఖర్చు పెడుతోందని భువనగిరి ఎంపీ కోమటిరెడ్డి వెంకటరెడ్డి ఆరోపించారు. కేసీఆర్ గ్రామానికో ఎమ్మెల్యే, 700 మంది ఇంఛార్జులు, 12 మంది మంత్రులను పెట్టి ఒక మహిళను ఓడగొట్టాలని ప్రయత్నం చేస్తున్నారని ఎద్దేవా చేశారు. హైదరాబాద్లో సచివాలయ భవనాలను కూల్చుతామంటే హైకోర్టు చీవాట్లు పెట్టిందన్నారు. మోత్కూరు లాంటి మండల కేంద్రాలను మున్సిపాల్టీలుగా చేసి పేదవారికి పని లేకుండా చేసి వారి పొట్ట కొట్టారని విమర్శించారు. ఆర్టీసీ కార్మికులు న్యాయమైన కోరికలు కోరితే వారిని తొలగించారని... ఇలాంటిది ఎక్కడ చూడలేదన్నారు. గతంలో నియంత అంటే హిట్లర్తో పోలిస్తే... నేడు కేసీఆర్ హిట్లర్ను మించిపోయాడని వెల్లడించారు.
కేసీఆర్ హిట్లర్ను మించిపోయారు: కోమటిరెడ్డి