వేగం పెంచాలి :కేసీఆర్

కాకతీయ శిల్పకళ ఉట్టిపడేలా యాదాద్రి అభివృద్ధి పనులు సాగుతున్నాయి. అత్యంత ప్రతిష్ఠాత్మకంగా చేపట్టిన పునర్నిర్మాణాన్ని సీఎం కేసీఆర్ నేడు పరిశీలించారు.

యాదాద్రి ఆలయ పునర్నిర్మాణ పనులను సీఎం కేసీఆర్​ పరిశీలించారు. ఈరోజు ఉదయం బేగంపేట నుంచి హెలికాప్టర్​లో బయలుదేరి.. ఆలయ పరిసరాల్లో విహంగ వీక్షణం చేశారు. అనంతరం లక్ష్మీనరసింహ స్వామిని దర్శించుకుని ప్రత్యేక పూజలు నిర్వహించారు.

క్షేత్రస్థాయిలో పనులు పరిశీలించారు. ఇబ్బందులపై చర్చించి అధికారులకు దిశానిర్దేశం చేశారు. ప్రధానాలయం, వ్రత మంటపం, శివాలయ పురోగతిపై సమీక్షించారు. పచ్చదనం, మౌలిక వసతుల గురించి ఆరా తీశారు. లక్ష్యం మేరకు పనులు శరవేగంగా సాగాలని యాడా అధికారులను ఆదేశించారు.