భువనగిరి ఏసీపీకి ఇండియన్​ పోలీస్ మెడల్​

కేంద్ర హోంశాఖ, పోలీస్​ శాఖకు ఎనలేని సేవలు చేసిన వారి జాబితాను శుక్రవారం విడుదల చేసింది. రాష్ట్రం నుంచి ఇండియన్ పోలీస్ మెడల్​కు యాదాద్రి భువనగిరి జిల్లాలో భువనగిరి ఏసీపీ భుజంగరావును ఎంపికయ్యారు. రాష్ట్రవ్యాప్తంగా సంచలనం సృష్టించిన హాజీపూర్​ అమ్మాయిల వరుస హత్యల కేసు విచారణ అధికారిగా భుజంగరావు ఎంతో కృషి చేశారు.

యాదాద్రి భువనగిరి జిల్లాలో భువనగిరి ఏసీపీ భుజంగరావు.. ఇండియన్​ పోలీస్​ మెడల్ పథకానికి ఎంపికయ్యారు. కేంద్ర హోంశాఖ, పోలీస్​ శాఖకు ఎనలేని సేవలు చేసిన వారి జాబితాను శుక్రవారం విడుదల చేసింది. గత రెండేళ్లుగా భుజంగరావు భువనగిరి ఏసీపీగా పనిచేస్తున్నారు. రాష్ట్రవ్యాప్తంగా సంచలనం సృష్టించిన బొమ్మలరామారం మండలం హాజీపూర్​ అమ్మాయిల వరుస హత్యల కేసు విచారణ అధికారిగా, సాక్ష్యాలు సేకరించడంలో విశేష కృషి చేశారు.

నిందితున్ని శాస్త్రీయ ఆధారాలతో సహా కోర్టు ముందు ప్రవేశపెట్టడంలో భుజంగరావు కీలకంగా వ్యవహరించారు. తక్కువ సమయంలో విచారణను పూర్తి చేశారని.. ఇవే కాక సర్వీస్​ మొత్తం ఎనలేని సేవలు చేసినందుకు ఇండియన్ పోలీస్​ మెడల్​తో కేంద్ర హోంశాఖ సత్కరించనుంది. ఈ మెడల్​కు ఎంపికచేయటం పట్ల ఏసీపీ భుజంగరావు సంతోషం వ్యక్తం చేశారు. అందరి సహకారంతోనే ప్రజలకు సేవ చేయగలుగుతున్నామని ఆయన తెలిపారు.

ఇవీచూడండి:కరోనా కాలంలో సరికొత్తగా పంద్రాగస్టు వేడుకలు