అక్రమంగా తరలిస్తున్న ఆవులను పట్టించిన ఎమ్మెల్యే రాజాసింగ్

ఖమ్మం నుంచి హైదరాబాద్​కు ఆవులను అక్రమంగా తరలిస్తున్న డీసీఎంను... గోషామహల్ ఎమ్మెల్యే రాజాసింగ్​ యాదాద్రి భువనగిరి జిల్లా చౌటుప్పల్​ పోలీసులకు పట్టించారు. డ్రైవర్, ఓనర్​పై పోలీసులు కేసు నమోదు చేశారు.

యాదాద్రి భువనగిరి జిల్లా చౌటుప్పల్​ సమీపంలోని పంతంగి టోల్​ప్లాజా వద్ద... ఆవులను తరలిస్తున్న డీసీఎంను గుర్తించి గోషామహల్ ఎమ్మెల్యే రాజాసింగ్ పోలీసులకు పట్టించారు. సూర్యాపేటలో పౌర సన్మానానికి హాజరై తిరిగి వస్తుండగా... టోల్​ప్లాజా వద్ద ఆవులు ఉన్న డీసీఎంను గుర్తించారు.

పోలీసులకు సమాచారమిచ్చిన రాజాసింగ్​ ... వాహనాన్ని, ఆవులను అప్పగించారు. ఖమ్మం నుంచి హైదరాబాద్​కు 5 ఆవులు, 10 దూడలు తరలిస్తున్నట్టుగా గుర్తించారు. డీసీఎం ఓనర్, డ్రైవర్​పై పోలీసులు కేసు నమోదు చేశారు.

ఇదీ చూడండి:మహానగరం రక్తసిక్తం.. ప్రమాదాలకు నిర్లక్ష్యమే కారణం