యాదగిరిగుట్టలో 'బంగారు బాబు'
ప్రముఖ పుణ్యక్షేత్రం యాదగిరిగుట్టలో ఓ బంగారు బాబు దర్శనమిచ్చాడు. యాదగిరిగుట్ట ప్రధాన రహదారి వెంట ఒంటి నిండా బంగారంతో ఓ వ్యక్తి సంచరిస్తూ కనిపించాడు. హోటల్లో టీ తాగుతూ స్థానికులను పలకరించాడు. ఎవరీ బంగారు బాబు అని అరా తీయగా... హైదరాబాద్ పాత బస్తీకి చెందిన స్థిరాస్తి వ్యాపారి శ్రావణ్ అని తెలుసుకున్నారు. ఒంటి మీద సుమారు 5 కిలోల బంగారంతో జిగేలుమంటున్న శ్రావణ్తో సెల్ఫీ తీసుకునేందుకు జనాలు ఆసక్తి చూపారు. రజక సంఘ నాయకునిగా ఉన్న శ్రావణ్... యాదగిరిగుట్టలో అన్నదాన సత్ర భవనం భూసేకరణకు వచ్చానని తెలిపారు.