చౌటుప్పల్లోని కట్టెల పరిశ్రమలో అగ్ని ప్రమాదం
యాదాద్రి భువనగిరి జిల్లా చౌటుప్పల్లో అగ్ని ప్రమాదం జరిగింది. కట్టెల పరిశ్రమలో మంటలు చెలరేగి భారీ ఎత్తున అగ్నికీలలు ఎగిసిపడ్డాయి. పక్క పక్కనే పరిశ్రమలు ఉండటం వల్ల స్థానికులు భయాందోళనలకు గురయ్యారు.
fire-accident-in-timber-industry
యాదాద్రి భువనగిరి జిల్లా చౌటుప్పల్ మండలం ఆరేగూడెంలోని ఎస్ ఆర్ ఎం ఎంటర్ప్రైజెస్లో అగ్ని ప్రమాదం జరిగింది. ఘటనలో కట్టెల పరిశ్రమ తగలబడింది. తెల్లవారుజామున మూడో నంబరు పరిశ్రమలో చెలరేగిన మంటలు క్షణాల్లో వ్యాపించాయి. పొడివాతావరణం వల్ల అగ్నికీలలు ఎగిసిపడ్డాయి. నాలుగో నంబరు పరిశ్రమకు వ్యాపించాయి. ఘటనా స్థలికి చేరుకున్న అగ్నిమాపక సిబ్బంది రెండు ఫైర్ ఇంజిన్లతో మంటలను అదుపుచేసేందుకు ప్రయత్నించారు. దీనికి సమీపంలోని రసాయన పరిశ్రమ ఉండడం వల్ల స్థానికులు ఆందోళన చెందుతున్నారు.
చౌటుప్పల్లోని కట్టెల పరిశ్రమలో అగ్ని ప్రమాదం