నిబంధనలు పాటించని రెండు షాపులకు ఫైన్​

కరోనా వేళ దుకాణ యజమానులు నిబంధనలు పాటించలేదని పంచాయతీ అధికారులు జరిమానా విధించారు. ఈ సంఘటన యాదాద్రి భువనగిరి జిల్లా ఆత్మకూరు మండలంలో జరిగింది.

కొవిడ్​ కేసులు పెరుగుతున్న దృష్ట్యా దుకాణాల యజమానులు నిబంధనలు ఉల్లఘించారని పంచాయతీ అధికారులు ఫైన్​ వేశారు. యాదాద్రి భువనగిరి జిల్లా ఆత్మకూరు మండల కేంద్రంలో గ్రామ అఖిలపక్ష నాయకులు, దుకాణ యజమానులు ఓ నిర్ణయానికి వచ్చారు.

దుకాణాలు ఉదయం 7 గంటల నుంచి సాయంత్రం 5 గంటల వరకు తెరచి ఉంచాలని... పాటించని వారికి వేయి రూపాయలు ఫైన్ వేయాలని నిర్ణయించారు. ఈ మేరకు పట్టణంలో రెండు దుకాణాల యజమానులు నిబంధనలు పాటించలేదని ఆత్మకూరు గ్రామ పంచాయతీ వెయ్యి రూపాయల జరిమానా విధించింది. నిబంధనలు ఉల్లంఘిస్తే చర్యలు తప్పవని గ్రామ సర్పంచ్ జన్నాయికోడె నగేష్ తెలిపారు.

ఇదీ చూడండి :కరోనా రోగులకు వైద్యం అందడం లేదు: భట్టి