Farmer Touches JC Feet: యాదాద్రి భువనగిరి జిల్లాలోని మోటకొండూరు మండలం ముత్తిరెడ్డి గూడెం పరిధి సర్వే నెంబర్ 817లో బాధిత రైతు ఏకు చిన్న లక్ష్మారెడ్డికి 2 ఎకరాల 10 గుంటల భూమి ఉంది. ప్రస్తుతం అందులో ఎకరం భూమిపై వివాదం కొనసాగుతోంది. ఈ కేసు ప్రస్తుతం హైకోర్టులో పెండింగ్‌లో ఉంది. మిగిలిన ఎకరం 10 గుంటల భూమిలో ఎలాంటి వివాదాలు లేవని బాధిత రైతు ఏకు చిన్న లక్ష్మారెడ్డి చెబుతున్నారు.
అయితే... వివాదం లేని ఎకరం 10 గుంటల భూమిలో ఎకరం భూమిని మోటకొండూర్ తహసీల్దార్.. తన సోదరుడు ఏకు చిన్న సంజీవ రెడ్డి పేరుపై పట్టాదారు పాసు పుస్తకం జారీచేశారని బాధిత రైతు ఆరోపించారు. ధరణి రికార్డుల్లో చూసుకోవడం వల్ల విషయం బయటపడినట్లు పేర్కొన్నారు. ప్రస్తుతం తన పేరున కేవలం 10 గుంటల భూమి మాత్రమే ఉన్నట్లు రికార్డుల్లో చూపిస్తోందని ఆవేదన వ్యక్తం చేశారు.