హైదరాబాద్ శివారులో డీఆర్‌ఐ అధికారులు భారీగా బంగారం పట్టుకున్నారు. 11.63 కోట్ల విలువైన 25 కిలోల విదేశీ బంగారాన్ని స్వాధీనం చేసుకున్నారు. గువాహటి నుంచి హైదరాబాద్‌కు కారులో పెద్ద మొత్తంలో బంగారం తరలుతున్నట్లు హైదరాబాద్ జోన్‌ డీఆర్‌ఐ అధికారులకు సమాచారం అందింది. దీంతో పంతంగి టోల్‌ప్లాజా వద్ద మకాం వేశారు. కారు రాగానే ఆపి సోదాలు నిర్వహించారు. కారులోని ముందువైపు సీటు వద్ద డాష్‌బోర్డు తొలిగించి దాచిన బంగారాన్ని గుర్తించారు. బిస్కెట్ల రూపంలో ఉన్న బంగారం జర్మనీ, యూరోప్‌లకు చెందినదిగా అధికారులు గుర్తించారు. కారుతోపాటు అందులోని ముగ్గురిని అదుపులోకి తీసుకున్నారు.
రూ.11.63 కోట్ల విలువైన బంగారం బిస్కట్లు స్వాధీనం