కరోనా ఎఫెక్ట్ : యాదాద్రికి భక్తుల సందర్శన నిలిపివేత

యావత్​ ప్రపంచాన్ని వణికిస్తున్న కరోనా వైరస్​ ప్రభావం తెలంగాణ దేవస్థానాలపైనా పడింది. కొవిడ్-19 ప్రభావం పడకుండా రాష్ట్రంలోని ఆలయాలన్నీ మూసివేయాలన్న రాష్ట్ర సర్కార్​ ఆదేశాల మేరకు యాదాద్రి లక్ష్మీ నరసింహుని సన్నిధికి నేటి నుంచి భక్తుల సందర్శన నిలిపివేశారు.

కరోనా వైరస్​ వ్యాప్తి నేపథ్యంలో అప్రమత్తమైన రాష్ట్ర సర్కార్​ దేవస్థానాలను మూసివేయాలని ఆదేశించింది. యాదాద్రి లక్ష్మీ నరసింహుని సన్నిధికి నేటి నుంచి భక్తులను నిలిపివేశారు. ప్రభుత్వం ఆదేశాలు ఇచ్చే వరకు భక్తులను ఆలయంలోనికి అనుమతించబోమని యాడా అధికారులు స్పష్టం చేశారు.

నేటి నుంచి స్వామి వారికి ఏకాంత సేవలో నిత్య కైంకర్యాలు నిర్వహిస్తామని ఆలయ అర్చకులు తెలిపారు. భక్తులు లేక ఆలయ ప్రాంగణమంతా వెలవెలబోయింది. కొండపైకి వెళ్లకుండా కింద ఘాట్​రోడ్డు వద్దనే భక్తులను నిలిపివేస్తున్నారు.

• ఇదీ చూడండి:కరోనా భయాలతో అయినకాడికి అమ్మేస్తున్నారు