కరోనా భయంతో తగ్గిన​ చికెన్ ధరలు

కరోనా దెబ్బకు పౌల్ట్రీ విలవిలాడుతోంది. కోళ్లు,చికెన్ ధరలు పాతాళానికి పడిపోతున్నాయి. యాదాద్రి జిల్లా రేణుకుంటలో 100 రూపాలయలకే రెండు కోళ్లు విక్రయిస్తున్నారు. ఆలేరులోని ఓ దుకాణంలో కిలో చికెన్​ రూ.50కి అమ్ముతున్నారు.

యాదాద్రి భువనగిరి జిల్లా ఆలేరు పరిసర ప్రాంతాల్లో కోళ్లు, చికెన్​ ధరలు భారీగా తగ్గిపోయాయి. రేణుకుంటలో 100 రూపాలయలకే రెండు కోళ్లు విక్రయిస్తున్నారు. ఆలేరులోని ఓ దుకాణంలో కిలో చికెన్​ రూ.50కి అమ్ముతున్నారు. కరోనా రాక ముందు కిలో రూ.190 పలికిన చికెన్​.. కరోనా భయంతో రూ.50కు తగ్గింది.

చికెన్ తినడం వల్ల కరోనా వ్యాపిస్తుందన్న పుకార్లు నమ్మొద్దని విక్రయదారులు కోరుతున్నారు. కోళ్లు అమ్ముడుపోక నష్టం వస్తోందని పౌల్ట్రీ వ్యాపారులు ఆందోళన వ్యక్తం చేస్తున్నారు.

ఇవీ చూడండి:9 నెలల్లో రూ.1.08 లక్షల కోట్లు విలువైన ఔషధ ఎగుమతులు