సీఎం కేసీఆర్ ఆదివారం యాదాద్రికి వస్తున్న నేపథ్యంలో యాదగిరిగుట్టలో అధికారులు అన్ని ఏర్పాట్లు చేస్తున్నారు. ఆదివారం ఉదయం 11 గంటలకు యాదాద్రి చేరుకోనున్న కేసీఆర్ ముందుగా స్వామివారిని దర్శించుకొని ప్రత్యేక పూజలు చేయనున్నారు. ఆలయ అభివృద్ధి పనులు క్షేత్రస్థాయిలో పరిశీలించి, హరిత హోటల్ అధికారులతో సమీక్ష నిర్వహించనున్నారు.
కేసీఆర్ యాదాద్రి వచ్చి ఆలయ పునర్నిర్మాణ పనులు పరిశీలించనున్న నేపథ్యంలో జిల్లా కలెక్టర్ అనిత రామచంద్రన్, డీసీపీ నారాయణరెడ్డి యాదగిరిగుట్టలో ఏర్పాట్లను పరిశీలించారు. రోడ్డు మార్గాన్ని తనిఖీ చేసి హెలిప్యాడ్ సిద్ధం చేశారు. మరోవైపు రోడ్డు మార్గం ద్వారా వస్తాడనే సమాచారంతో రహదారిని కూడా అధికారులు తనిఖీ చేశారు. ఇప్పటికే యాదాద్రి కొండపైన హరిత టూరిజం హోటల్ను పోలీసులు తమ ఆధీనంలోకి తీసుకున్నారు.