పొలం పని చేస్తున్న మహిళ మెడలో నుంచి బంగారు గొలుసు చోరీ

Chain snatching in Yadadri Bhuvanagiri district: యాదాద్రి భువనగిరి జిల్లా వలిగొండ మండలం వేములకొండ గ్రామంలో చైన్ స్నాచింగ్ కలకలం రేపింది. పొలంలో పనిచేసుకుంటుండగా గ్రామానికి చెందిన చాగంటి మంగమ్మ అనే మహిళ మెడలోంచి అటుగా వచ్చిన ఓ గుర్తు తెలియని దుండగుడు మూడు తులాల పుస్తెలతాడు లాక్కొని పరారయ్యాడు.

Chain snatching in Yadadri Bhuvanagiri district: బంగారు గొలుసు దొంగతనాలు పట్టణాలలోనే కాదు.. గ్రామాలలోను చోటు చేసుకుంటున్నాయి. ఒంటరి మహిళలు, వృద్ధులే లక్ష్యంగా తెంపుడుగాళ్లు విరుచుకుపడుతున్నారు. అదును చూసి గొలుసులు తెంచుకెళ్తున్నారు. వ్యవసాయ పనుల నిమిత్తం పొలాలకు వెళ్లే ఒంటరి మహిళలపై దాడి చేసి బంగారు గొలుసులను అపహరిస్తున్నారు.

యాదాద్రి భువనగిరి జిల్లా వలిగొండ మండలం వేములకొండ గ్రామంలో చైన్ స్నాచింగ్ కలకలం రేపింది. గ్రామానికి చెందిన చాగంటి మంగమ్మ అనే మహిళ ఉదయం 10 గంటల సమయంలో పొలం పనులు చేసుకుంటుంది. అటుగా వచ్చిన ఓ గుర్తు తెలియని దుండగుడు ఆమె మెడలోంచి మూడు తులాల పుస్తెలతాడు లాక్కొని పరారయ్యాడు. దుండగుడు లక్ష్మాపురం గ్రామం వైపు వెళ్లినట్లు బాధితురాలు తెలిపింది.

సమాచారం అందుకున్న పోలీసులు ఘటనా స్థలానికి చేరుకొని బాధితురాలి నుంచి వివరాలు సేకరించారు. గ్రామంలో ఉన్న సీసీ కెమెరాలను పరిశీలించగా అనుమానితుడుగా భావిస్తున్న ఓ వ్యక్తి బైక్ పై వెళ్తున్న దృశ్యాలు నమొదైయ్యాయి. వలిగొండ పోలీసులు కేసు నమోదు చేసుకొని దర్యాప్తు ప్రారంభించారు. మద్యానికి, జల్సాలకు అలవాటు పడిన కొందరు యువత.. వారి ఖర్చులకు డబ్బు కోసం ఇటువంటి దారులను ఎంచుకుంటున్నారు. ఆ క్షణానికి చేతిలో డబ్బులు లేకపోతే.. ఒంటరి మహిళలను లక్ష్యంగా చేసుకుని బంగారు గొలుసులను అపహరిస్తూ ఎదుటివారి ప్రాణాలను సైతం లెక్కచేయడం లేదు.

మహిళల ఆవేదన:

గత కొంత కాలంగా హైదరాబాద్​లో ఇతర రాష్ట్రాల నుంచి వచ్చిన వ్యక్తులు గొలుసు దొంగతనాలకు పాల్పడుతున్నారు. నగర శివారు ప్రాంతాల్లో మహిళలకు అసలు భద్రత లేకుండా పోయిందని, గొలుసు దొంగల బారీ నుంచి పోలీసులు రక్షణ కల్పించాలని మహిళలు కోరుతున్నారు. ప్రతిరోజు నగరంలోని ఎక్కడో చోట గొలుసు దొంగతనాలు జరుగుతూనే ఉన్నాయని వారు ఆవేదన వ్యక్తం చేస్తున్నారు. ఎక్కడికైనా ఒంటరిగా వెళ్లలేక పోతున్నామని ఎప్పుడు.. ఎవరు ...ఎటునుంచి వస్తారో అనే భయం నెలకొందని వాపోతున్నారు.

ఇతర రాష్ట్రాల నుంచి వచ్చిన వారే కాకుండా నగరంలో నివాసం ఉండే దురలవాట్ల బారీన పడిన కొంత మంది యువత సైతం ఇటువంటి గొలుసు దొంగతనాలకు పాల్పడుతున్నారు. ఒంటరి మహిళలు, వృద్ధులే లక్ష్యంగా చేసుకుంటూ దొంగతనాలకు పాల్పడుతున్నారు. పోలీసులు ఎంత నిఘా పెట్టినా వీరి ఆగడాలు మాత్రం తగ్గడం లేదు. ఎక్కడికక్కడ నిఘా కెమెరాలు ఉంటున్నాయి అన్న భయంలేకుండా వారు ఇటువంటి పనులు కానిస్తున్నారు.

ఇవీ చదవండి: