కారు బోల్తా.. ఒకరి మృతి

అర్ధరాత్రి అతివేగంతో వెళ్తున్న ఓ కారు అదుపుతప్పి బోల్తా పడింది. ప్రమాదంలో ఒకరు మృతి చెందగా.. మరో ముగ్గురికి తీవ్ర గాయాలయ్యాయి. ఈ ఘటన యాదాద్రి భువనగిరి జిల్లాలో చోటుచేసుకుంది.

యాదాద్రి భువనగిరి జిల్లా బీబీనగర్ మండలంలోని కొండమడుగు మెట్టు సమీపంలో అర్ధరాత్రి రోడ్డు ప్రమాదం చోటుచేసుకుంది. అతివేగంతో వెళ్తున్న ఓ కారు అదుపుతప్పి బోల్తా పడింది. ప్రమాదంలో కారు నడుపుతున్న మహమ్మద్​ షమీ అనే వ్యక్తి అక్కడికక్కడే మృతి చెందగా.. మరో ముగ్గురికి తీవ్ర గాయాలయ్యాయి. ఘటనా స్థలికి చేరుకున్న పోలీసులు క్షతగాత్రులను, మృతదేహాన్ని భువనగిరి జిల్లా కేంద్ర ఆసుపత్రికి తరలించారు.

హైదరాబాద్​కు చెందిన నలుగురూ వ్యకిగత పని మీద వరంగల్ వెళ్లి వస్తుండగా.. ఈ ప్రమాదం చోటుచేసుకుంది. ఈ మేరకు కేసు నమోదు చేసుకున్న పోలీసులు దర్యాప్తు చేస్తున్నారు.

ఇదీ చూడండి:రూ.1200 కోట్ల విలువైన ఎస్టేట్​ కొన్న జెఫ్​ బెజోస్​!