కరోనా నేపథ్యంలో తమ ప్రాణాలను పణంగా పెట్టి విలువైన సేవలను అందించిన వైద్య సిబ్బందిని భువనగిరి ఎంపీ కోమటిరెడ్డి వెంకట్ రెడ్డి కొనియాడారు. యాదాద్రి భువనగిరి జిల్లా కలెక్టరేట్లో 3 నూతన అంబులెన్సులను జెండా ఊపి ప్రారంభించారు. ఎంపీ నిధుల నుంచి రూ.38 లక్షల విలువ గల 3 అంబులెన్సులను భువనగిరి, ఆలేరు, రామన్నపేటకి ఒక్కొక్కటి చొప్పున కేటాయించి జిల్లా వైద్యాధికారి సాంబశివరావుకి అప్పగించారు.
కరోనాతో వైద్య సిబ్బంది పోరాటం అనిర్వచనీయం: కోమటిరెడ్డి - తెలంగాణ లేటెస్ట్ అప్డేట్స్
యాదాద్రి భువనగిరి జిల్లా కలెక్టరేట్లో మూడు నూతన అంబులెన్సులను ఎంపీ కోమటిరెడ్డి వెంకట్ రెడ్డి ప్రారంభించారు. ఎంపీ నిధుల నుంచి దాదాపు రూ.38 లక్షల విలువ గల 3 అంబులెన్సులను ఆయన అందజేశారు. రానున్న రోజుల్లో మరిన్ని అందుబాటులోకి తీసుకొస్తామని హామీ ఇచ్చారు.
పీహెచ్సీల్లో వెంటిలేటర్లు అందించడానికి కృషి: ఎంపీ కోమటిరెడ్డి
రానున్న రోజుల్లో ఎంపీ నిధులతో మరిన్ని అంబులెన్సులను అందిస్తామని హామీ ఇచ్చారు. అత్యవసర వైద్య సేవలకు అవసరమైన వెంటిలేటర్లను గ్రామీణ ప్రాంతాల్లోని పీహెచ్సీల్లో అందుబాటులోకి తెచ్చే ప్రయత్నం చేస్తామని అన్నారు. రాష్ట్రంలో ఇంకా గ్రామీణ ప్రాంతాలు అభివృద్ధి చెందాల్సిన అవసరం ఉందని అభిప్రాయపడ్డారు. ప్రజలందరికీ గణతంత్ర దినోత్సవ శుభాకాంక్షలు తెలిపారు.
ఇదీ చదవండి:అంబేడ్కర్ వల్లే అట్టడుగు వర్గాలు చట్ట సభల్లో..: మంత్రి హరీశ్