ఎంపీ కోమటిరెడ్డి వెంకట్​రెడ్డి అరెస్టు

స్థానిక సంస్థలకు నిధులు కేటాయించకుండా నిర్లక్ష్యం వహిస్తున్న ప్రభుత్వ వైఖరిని నిరసిస్తూ యాదాద్రి భువనగిరి జిల్లా జడ్పీ కార్యాలయం వద్ద కాంగ్రెస్​ ఎంపీ కోమటిరెడ్డి వెంకట్​రెడ్డి ఆందోళనకు దిగారు. ట్రాఫిక్​కు అంతరాయం కలుగుతోందని పోలీసులు కోమటిరెడ్డిని అరెస్టు చేశారు.

ఐదేళ్లుగా స్థానిక సంస్థలకు నిధులు ఇవ్వకుండా కేసీఆర్​.. ప్రజాప్రతినిధులను మోసం చేస్తున్నారని భువనగిరి ఎంపీ కోమటిరెడ్డి వెంకట్​రెడ్డి ఆరోపించారు. భువనగిరి జడ్పీ కార్యాలయం వద్ద నిరసనకు దిగిన పార్టీ శ్రేణులకు మద్దతు తెలిపారు. ప్రధాన రహదారిపై బైఠాయించి రాస్తారోకో చేయడం వల్ల ట్రాఫిక్​ స్తంభించింది. పోలీసులు రంగప్రవేశం చేసి ఎంపీ కోమటిరెడ్డిని అరెస్టు చేశారు. పోలీస్ స్టేషన్​కు తరలిస్తుండగా కార్యకర్తలు అడ్డుతగలడంతో తోపులాట జరిగింది. ఈ తోపులాటలో వడపర్తి సర్పంచ్​ ఎలిమినేటి కృష్ణారెడ్డి కాలుకు తీవ్ర గాయమైంది.

• ఇదీ చూడండి : అసోం ఎన్​ఆర్​సీ: 71ఏళ్ల వివాదానికి రేపే తెర!