రైతు బతుకును కార్పొరేట్​కు అప్పగించేందుకే కొత్త చట్టాలు: సీపీఐ

యాదగిరిగుట్టలోని ఆర్టీసీ డిపో ఎదుట వివిధ పార్టీల నాయకులు బైఠాయించారు. దుకాణాలు మూసేసి రైతులకు సంఘీభావం తెలపాల్సిన అవసరం ఉందని సీపీఐ నేత కళ్లెం కృష్ణ అన్నారు. రైతు బతుకులను కార్పొరేట్​ సంస్థలకు అప్పగించేందుకే ఈ చట్టాలు అని ఆయన ఆరోపించారు.

రైతులకు మద్దతుగా దుకాణాలు మూసి బంద్​కు సహకరించాలని సీపీఐ నేత కళ్లెం కృష్ణ కోరారు. యాదాద్రి భువనగిరి జిల్లా యాదగిరిగుట్టలో నూతన వ్యవసాయ చట్టాలను నిరసిస్తూ పిలుపునిచ్చిన భారత్ బంద్​కు మద్దతుగా స్థానిక ఆర్టీసీ డిపో ఎదుట ధర్నా చేపట్టారు. అనంతరం పట్టణంలోని ప్రధాన రహదారిపై వివిధ పార్టీల నాయకులు ర్యాలీ నిర్వహించారు.

కార్పొరేట్ సంస్థలకు రైతు బతుకులను అప్పగించేందుకే కొత్త వ్యవసాయ చట్టాలు అని ఆరోపించారు. రాష్ట్రంలో బంద్​ను విజయవంతం చేసి దిల్లీలోని రైతులకు సంఘీభావం తెలపాల్సిన అవసరం ఉందని ఆయన అన్నారు. ఈ ఆందోళనలో తెరాసతో పాటు వివిధ పార్టీల నాయకులు పాల్గొన్నారు.

ఇదీ చదవండి:రైతుల పోరాటానికి మద్దతుగా లండన్​లో కారు ర్యాలీ