రేపటి నుంచే బతుకమ్మ చీరల పంపిణీ : కలెక్టర్

యాదాద్రి భువనగిరి జిల్లాలో శుక్రవారం నుంచి బతుకమ్మ చీరలు పంపిణీ చేయనున్నట్టు జిల్లా కలెక్టర్​ అనితా రామచంద్రన్​ తెలిపారు. జిల్లా కేంద్రం నుంచి బతుకమ్మ చీరలు మండలాలకు చేరుకున్నాయని ఆమె తెలిపారు.

యాదాద్రి భువనగిరి జిల్లాలో రేపటి నుంచి బతుకమ్మ చీరలు పంచనున్నట్టు జిల్లా కలెక్టర్ అనితా రామచంద్రన్​ తెలిపారు. ఇప్పటి వరకు యాదాద్రి జిల్లాకు 2 లక్షల 50 వేల బతుకమ్మ చీరలు వచ్చాయని.. వాటన్నింటినీ ఇప్పటికే.. మండలాలకు చేర్చామన్నారు. జిల్లా కేంద్రంలో ఎమ్మెల్యే పైళ్ల శేఖర్​ రెడ్డి చేతుల మీదుగా చీరల పంపిణీ కార్యక్రమం ప్రారంభిస్తామని భువనగిరి ఎమ్మార్వో జనార్ధన్​ రెడ్డి తెలిపారు.

గురువారం సాయంత్రం కల్లా.. బతుకమ్మ చీరలుమండల కేంద్రాల నుంచి గ్రామాలకు చేరుకుంటాయన్నారు. గ్రామాలలో విలేజ్ లెవెల్ కమిటీ ద్వారా మహిళలకు బతుకమ్మ చీరలు పంపిణీ చేయనున్నట్టు ఎమ్మార్వో వెల్లడించారు. కరోనా నేపథ్యంలో ఇంటింకే చీరలు పంపనున్నట్టు ఆయన తెలిపారు.

• ఇదీ చదవండిఃఇసుక తీసేందుకు వెళ్లి మంజీరాలో చిక్కుకున్న ఆరుగురు