వెన్నకృష్ణుడి అవతారంలో దర్శనమిచ్చిన యాదాద్రీశుడు

యాదాద్రి శ్రీలక్ష్మీనరసింహస్వామి క్షేత్రంలో నాల్గో రోజు అధ్యయనోత్సవాలు వైభవంగా జరిగాయి. వెన్నకృష్ణుడి అవతారంలో స్వామివారు బాలాలయ తిరువీధుల్లో ఊరేగారు. యాదాద్రీశుని దర్శించుకునేందుకు భక్తులు పెద్ద ఎత్తున తరలివచ్చారు.

ప్రముఖ పుణ్యక్షేత్రం యాదాద్రి లక్ష్మీ నరసింహస్వామి ఆలయంలో అధ్యయనోత్సవాలు కన్నుల పండువగా జరుగుతున్నాయి. ఈనెల 30వ వరకు వేడుకలు నిర్వహించనున్నారు. 6 రోజుల పాటు వివిధ అలంకారాల్లో భక్తులకు దర్శనమిచ్చే యాదగిరీశుడు.. నాల్గో రోజైన నేడు వెన్నకృష్ణుడి అలంకరణలో బాలాలయంలో సేవపై ఊరేగారు.

మేళ తాళాలు, మంగళవాయిద్యాల నడుమ ఆలయ అర్చకులు స్వామివారికి విశేష పూజలు నిర్వహించారు. అధ్యయనోత్సవాలు జరిగే 6 రోజులు మొక్కు కల్యాణం, శాశ్వత కల్యాణం, సుదర్శన నారసింహ హోమం సేవలు రద్దు చేశారు.