Woman Dies of Heart Stroke Warangal : మహిళలకు తల్లి అవుతున్నామంటే వచ్చే అనుభూతినే వేరు. ఎందుకంటే అప్పటివరకు ఒకరికి కూతురు ఉన్న ఆమె.. తాను కూడా అమ్మను కాబోతున్నాననే తెలిసిన తర్వాత ఆమె పడే ఆనందం మాటల్లో వర్ణించలేనిది. గర్భంతో ఉన్న దగ్గర నుంచి ఎన్నో జాగ్రత్తలు తీసుకుంటూ.. తన పిల్లల భవిష్యత్ కోసం అప్పటి నుంచే కలలు కనడం ప్రారంభిస్తుంది ఆ మహిళ. అప్పటివరకు కడుపులో దాచుకొని నవమాసాల తర్వాత బాహ్య ప్రపంచాన్ని పరిచయం చేస్తుంది. అలా తన బిడ్డ కోసం తొమ్మిది నెలలు ఎన్నో కలలు కన్న ఆ తల్లి .. బిడ్డ పుట్టిన మూడ్రోజులకే హఠాత్తుగా కన్నుమూసింది. ఇంతకీ ఏం జరిగిందంటే..?
మృతురాలి కుటుంబ సభ్యులు తెలిపిన వివరాల ప్రకారం..వరంగల్ జిల్లాలోని వర్ధన్నపేట మండలం ఇల్లందు గ్రామానికి చెందిన సుస్మిత.. ప్రసవం కోసం ఈ నెల 13వ తేదీన వరంగల్ జిల్లాలోని సీకేఎం ప్రభుత్వ ఆసుపత్రిలో చేరింది. ఈనెల 16వ తేదీన ఆమెకు పండింటి మగబిడ్డకు జన్మినిచ్చింది. మగ పిల్లాడు పుట్టాడన్న ఆనందంలో ఆ కుటుంబం సంబురాల్లో మునిగిపోయింది. సుస్మిత కూడా ఎంతో అపురూపంగా తన బిడ్డను చూసుకుంటూ ఎంతో సంబురపడింది. అయితే ఆ బిడ్డకు ఆరోగ్య సమస్యలు రావడంతో.. ఆసుపత్రిలో నవజాత శిశుసంరక్షణ కేంద్రం(SNCU)లో ఉంచారు డాక్టర్లు. అక్కడే పిల్లాడికి తల్లి పాలుపడుతూ ఉండేది.
Woman Died Of Cardiac Arrest After Feeding Baby : ఎప్పటిలాగే సుస్మిత శుక్రవారం తెల్లవారుజామున 4 గంటల సమయంలో బిడ్డకు పాలు ఇవ్వడానికి.. ఆసుపత్రిలోని సీమాంక్ వార్డుకు వెళ్లింది. తన బిడ్డకు పాలిచ్చి ఆ తర్వాత పక్కనే ఉన్న తన వార్డులోకి వెళ్లి పడుకుంది. ఉదయం 6 గంటలకు కుటుంబ సభ్యులు వెళ్లి ఆమెను లేపేందుకు ప్రయత్నించారు. ఎంతకీ నిద్ర లేవకపోయేసరికి ఆందోళన చెంది ఆసుపత్రిలోని వైద్యులకు సమాచారం అందించారు. వెంటనే స్పందించిన వైద్యులు సుస్మితను పరిశీలించారు. ఆమె రాత్రి నిద్రలోనే కార్టియాక్ అరెస్టు(Cardiac Arrest) వచ్చినట్లు గుర్తించారు. ఆలస్యమైందని తెలిసినా.. సీపీఆర్ చేసి బతికించేందుకు ప్రయత్నించారు. కానీ అప్పటికే ఆమె చనిపోవడంతో ఆ ప్రయత్నం విఫలమైంది. సుస్మిత నిద్రలోనే గుండెపోటుతో మరణించినట్లు వైద్యులు ధ్రువీకరించారు.