'నాలాల్లో అక్రమ నిర్మాణాల తొలగింపునకు ప్రజలు సహకరించాలి'

ఆక్రమణలకు గురైన నాలాల్లో అక్రమ నిర్మాణాలను తొలగించే క్రమంలో ప్రజలందరూ సహకరించాలని ప్రభుత్వ చీఫ్​ విప్, వరంగల్ పశ్చిమ ఎమ్మెల్యే వినయ్ భాస్కర్ కోరారు. హన్మకొండలో ఇటీవల వర్షాలకు వరద ముంపునకు గురైన ప్రాంతాల్లో అధికారులతో కలిసి పర్యటించారు.

నాలాల్లో అక్రమ నిర్మాణాలు తొలగించే పనిలో ప్రజలు సహకరించాలని వరంగల్​ పశ్చిమ ఎమ్మెల్యే వినయభాస్కర్​ కోరారు. హన్మకొండలో వరద ప్రభావిత ప్రాంతాల్లో ఆయన పర్యటించారు. ప్రజల సమస్యలను అడిగి తెలుసుకున్నారు.

నాలాలు వెడల్పు చేస్తున్న క్రమంలో ఇళ్లు పోతున్నాయని పలువులు బాధితులు తమ గోడును ఎమ్మెల్యేకి విన్నవించుకున్నారు. ఇళ్లను కూల్చి వేయొద్దని విజ్ఞప్తి చేసారు. ఈ క్రమంలో అక్కడ ఉన్న స్థానికులకు.. స్థానిక కార్పొరేటర్​కు మధ్య వాగ్వాదం జరిగింది. నాలాల వెడల్పులో పేదల ఇళ్లు కోల్పోతే వారికి డబుల్ బెడ్ రూమ్ ఇళ్లు కట్టిస్తామని ఎమ్మెల్యే హామీ ఇచ్చారు.

ఇదీ చూడండి:పార్కింగ్​ స్థలం ఎక్కడుందో.. చెప్పేసే యాప్​ వచ్చేసింది!