టెలీ కాన్ఫరెన్స్​ ద్వారా బల్దియా బడ్జెట్​కు ఆమోదం

నూతన పురపాలక చట్టానికి అనుగుణంగా వరంగల్​ మహనగర పాలక వర్గం 2020-21 ఆర్థిక సంవత్సరానికి బడ్జెట్​ ప్రవేశపెట్టారు. మొదటిసారిగా టెలీ కాన్ఫరెన్స్​ ద్వారా బడ్జెట్​ను ఆమెదించినట్లు మేయర్​ గుండా ప్రకాశ్​ తెలిపారు.

వరంగల్ మహా నగర పాలక సంస్థ కార్యాలయంలో మొదటిసారిగా టెలీ కాన్ఫరెన్స్ ద్వారా బడ్జెట్​ను ప్రవేశపెట్టారు. కరోనా వైరస్ ప్రభావం కారణంగా తొలిసారిగా టెలీ కాన్ఫరెన్స్ నిర్వహిస్తున్నట్టు మేయర్ గుండా ప్రకాశ్​ తెలిపారు. ఈ టెలీ కాన్ఫరెన్స్​లో వరంగల్ మహా నగర పాలక సంస్థ కార్యాలయంలోని వివిధ విభాగాల అధికారులతో పాటు కార్పొరేటర్లు పాల్గొన్నారు.

సుదీర్ఘ చర్చ అనంతరం బడ్జెట్​ను సభ్యులు ఆమోదించినట్లు మేయర్​ వెల్లడించారు. ప్రభుత్వ ఆదేశాలనుసారం అత్యవసర పరిస్థితుల్లో టెలీ కాన్ఫరెన్స్ ద్వారా బడ్జెట్​ను ప్రవేశ పెట్టామని ఆయన తెలిపారు.