వరంగల్‌కు తలమానికంగా నిలిచిన కేంద్ర కారాగారం(Warangal Central Jail) కాలగర్భంలో కలిసిపోయింది. 135 ఏళ్ల చరిత్ర కలిగిన జైలు గోడలు బద్దలయ్యాయి. భారీ భద్రత నడుమ లోపలికి ఎవ్వరిని వెళ్లనీయకుండా జైలు కూల్చివేతలు చేప్టటారు. ములుగు రోడ్డు నుంచి ఎంజీఎం వరకు ట్రాఫిక్ ఆంక్షలు పెట్టి చకచకా జైలు గోడలను కూల్చివేశారు.
54.5 ఎకరాల విస్తీర్ణంలో..
54.5 ఎకరాల విస్తీర్ణంలో ఆరో నిజామ్ మీర్ మహబూబ్ అలీ ఖాన్ హయాంలో నిర్మించిన ఈ వరంగల్ కేంద్రగారానికి(Warangal Central Jail) ఎన్నో ప్రత్యేకతలున్నాయి. ఈ జైలులో నేసిన తివాచీలు ప్రపంచ ప్రఖ్యాతిని గాంచాయి. వరంగల్ సెంట్రల్ జైలు జంప్ఖానా (కార్పెట్)లకు పెట్టింది పేరు. ఇక్కడి ఖైదీలు నేసిన జంప్ఖానాలు విదేశాలకు ఎగుమతి అయ్యేవి. పీపుల్స్ వార్ వ్యవస్థాపకులైన కాసూ సన్యాల్తో పాటు కాళోజి, దాశరధి, వీవీ, మావోయిస్టు అగ్రనేత గణపతి లాంటి ఎందరో ఈ జైలు జీవితం గడపిన వారే. రాష్ట్రంలో ఏ ఇతర జైల్లోనైనా ఖైదీల నుంచి ముప్పు లేదా తప్పించుకొని వెళ్లే ప్రమాదం ఉన్న వాళ్లను ఆయా జైళ్ల నుంచి సురక్షిత ప్రాంతమైన వరంగల్ జైలుకు తరలించిన సంఘటనలు ఎన్నో ఉన్నాయి.
1885లో పుట్టాను..
1885 లో వరంగల్ సెంట్రల్ జైలు (కేంద్ర కారాగారం(Warangal Central Jail)) నిర్మాణం జరిగింది. పదిహేను సంవత్సరాల క్రితం వరకు నాటి కట్టడ ప్రతిరూపంగా ఉన్న జైలు ముఖ ద్వారం స్థానంలో కొత్త ప్రవేశ ద్వారం నిర్మాణం జరిగినా లోపల మాత్రం గత నిర్మాణాలు యధావిధిగా కన్పిస్తాయి. నాటి నుంచి నేటి వరకు కట్టుదిట్టమైన భద్రతా వ్యవస్థతో పాటు పరిశుభ్రత, ఖైదీల్లో పరివర్తనకు మారుపేరుగా నిలిచిందీ కారాగారం. జైళ్లను దయనీయ పరిస్థితుల నుంచి దేశంలోనే అత్యంత ఉత్తమ ప్రమాణాలు కలిగిన పరివర్తనాలయాలుగా మార్చినందుకు హన్కిన్స్కు నిజామ్ ప్రభుత్వం 1913 లో ప్రత్యేక పురస్కారం అందజేసింది.
సూపర్ స్పెషాలిటీ ఆసుపత్రి..
వరంగల్ కేంద్ర కారాగార ప్రాంతంలో సూపర్ స్పెషాలిటీ ఆసుపత్రి నిర్మించేందుకు తెలంగాణ ప్రభుత్వం నిర్ణయించింది. ఈ మేరకు గత నెల 21వ తేదీన ముఖ్యమంత్రి కేసీఆర్ వరంగల్ నగర పర్యటనలో భాగంగా ఎంజీఎం ఆసుపత్రిని, జైలును సందర్శించారు. అ సమయంలోనే వరంగల్ కారాగారాన్ని వైద్యశాఖకు అప్పగించాలని అదేశాలు జారీ చేశారు. ఈ నెల 21న వరంగల్ కేంద్ర కారాగారం(Warangal Central Jail) స్థలంలో ఏర్పాటు చేయనున్న సూపర్ స్పెషాలిటీ ఆసుపత్రికి ముఖ్యమంత్రి కేసీఆర్ అంకురార్పణ చేయనున్నారు.
