వివేకానంద జయంతి వేడుకల్లో ఎమ్మెల్యే వినయ్​ భాస్కర్

స్వామి వివేకానంద జయంతి వేడుకలు ఘనంగా జరిగాయి. వేడుకల్లో ప్రభుత్వ విప్, వరంగల్ పశ్చిమ ఎమ్మెల్యే వినయ్​ భాస్కర్ పాల్గొన్నారు.

వరంగల్ అర్బన్ జిల్లా హన్మకొండలో స్వామి వివేకానంద జయంతి వేడుకలు ఘనంగా జరిగాయి. రెవెన్యూ కాలనీలో నిర్వహించిన వేడుకల్లో ప్రభుత్వ విప్, వరంగల్ పశ్చిమ ఎమ్మెల్యే వినయ్​భాస్కర్ పాల్గొని పూలమాలలు వేసి నివాళులర్పించారు.

అనంతరం యువతను ఉద్దేశించి వినయ్​ భాస్కర్ మాట్లాడారు. స్వామి వివేకానంద బోధనలను యువత ఆదర్శంగా తీసుకోవాలని సూచించారు. ప్రతి ఒక్కరిలో సేవ చేసే గుణం కలిగి ఉండాలని పేర్కొన్నారు. వివేకానంద స్పూర్తితో కృషి చేసి.. శక్తి సామర్ధ్యాలను పెంపొందిచుకోవాలని కోరారు. ఈ కార్యక్రమంలో వివిధ రంగాల్లో సేవలందించిన యువతను ఘనంగా సన్మానించారు.

ఇదీ చూడండి:సెల్ఫీ సరదా: ఏపీలో తెలంగాణ యువకుడు మృతి