వీరభద్రస్వామి బ్రహ్మోత్సవాల్లో అపశ్రుతి

శ్రీ కొత్తకొండ వీరభద్రస్వామి బ్రహ్మోత్సవాల్లో అపశ్రుతి చోటుచేసుకుంది. స్వామి దర్శననానికి భక్తులు ఎడ్లబండ్లలో రాగా బండ్లు అదుపుతప్పి భక్తుల మీదకి దూసుకుపోయాయి. ఈ ఘటనలో పలువురికి గాయాలయ్యాయి.

వరంగల్ అర్బన్ జిల్లా భీమదేవరపల్లి మండలంలోని శ్రీ కొత్తకొండ వీరభద్రస్వామి ఆలయంలో అపశృతి చోటు చేసుకుంది. ఎడ్లబండ్లు తిరుగుతున్న సమయంలో బండ్లు అదుపుతప్పి భక్తుల మీదకి దూసుకుపోయాయి. దీంతో పలువురు భక్తులకు గాయాలయ్యాయి.

గాయపడ్డ భక్తులను ప్రథమ చికిత్స నిమిత్తం ఏర్పాటు చేసిన శిబిరానికి తరలించారు. అక్కడ ఎలాంటి సౌకర్యాలు లేకపోవడంతో హుటాహుటిన వరంగల్ ఎంజీఎం ఆస్పత్రికి తరలించారు. పేరుకు మాత్రమే ప్రథమ చికిత్స కేంద్రాన్ని ఏర్పాటు చేశారని భక్తులు ఆగ్రహం వ్యక్తం చేస్తున్నారు.