ఆర్టీసీ సమ్మెతో వరంగల్ రీజియన్​కు 2 కోట్లకు పైగా నష్టం

వరంగల్ జిల్లా కేంద్రంలో ఆర్టీసీ సమ్మె ప్రశాంతంగా కొనసాగుతోంది. సమ్మె కారణంతో వరంగల్ రీజియన్​లో 2 కోట్లకు పైగా నష్టం వాటిల్లినట్లు అధికారులు వెల్లడించారు.

వరంగల్ అర్బన్ జిల్లా కేంద్రంలో నాలుగో రోజు ఆర్టీసీ కార్మికులు చేపట్టిన సమ్మె ప్రశాంతంగా కొనసాగుతోంది. విధులు బహిష్కరించి ఆర్టీసీ కార్మికులు సమ్మెలో ఉండటంతో తాత్కాలిక డ్రైవర్, కండక్టర్​లతో అధికారులు బస్సులు నడిపిస్తున్నారు. దసరా పండుగ సందర్భంగా హన్మకొండ బస్టాండ్ పరిసరాలన్నీ ప్రయాణికులు లేక వెలవెలబోతున్నాయి. వరంగల్ రీజియన్​లో ఆర్టీసీ సమ్మె వల్ల మూడు రోజుల్లో 2 కోట్లకు పైగా నష్టం వాటిల్లింది.