వరంగల్ రూరల్ జిల్లాలో ప్రాదేశిక పోరులో తెరాస హవా కొనసాగింది. జిల్లావ్యాప్తంగా 7 జడ్పీటీసీ స్థానాలకు గాను... 7 స్థానాలను కైవసం చేసుకొని జడ్పీ ఛైర్మన్ స్థానాన్ని దక్కించుకుంది గులాబీ పార్టీ. కాంగ్రెస్, భాజపాలు ఒక్క స్థానాన్ని కూడా గెలుచుకోలేకపోయాయి.
జిల్లా వ్యాప్తంగా 178 ఎంపీటీసీ స్థానాలుండగా... అందులో 129 స్థానాలు గులాబీ ఖాతాలో పడ్డాయి. 43 స్థానాలను కాంగ్రెస్ దక్కించుకోగా.... ఆరు స్థానాల్లో స్వతంత్ర అభ్యర్థులు విజయం సాధించారు. భాజపా జిల్లాలో ఖాతా తెరవలేదు. కారుకు కంచుకోటగా ఉంటున్న ఓరుగల్లు ఓటర్లు.. మరోసారి గులాబీ పార్టీకి పట్టం కట్టి జిల్లాను గులాబీమయం చేశారు.
| # | తెరాస | కాంగ్రెస్ | భాజపా | ఇతరులు | మొత్తం |
| జడ్పీటీసీ | 7 | 0 | 0 | 0 | 7 |
| ఎంపీటీసీ | 129 | 43 | 0 | 6 | 178 |