బోటు ప్రమాద బాధితులకు తెరాస బీమా​ చెక్కులు...

కచ్చలూరు బోటు ప్రమాద మృతుల కుటుుంబాలకు తెరాస తరఫున ఇన్యూరెన్స్ చెక్కులు అందించారు. ఎమ్మెల్యే ఆరూరి రమేశ్​ స్వయంగా బాధిత కుటుంబాల ఇళ్లకు వెళ్లి చెక్కులు అందించారు.

కచ్చలూరు వద్ద జరిగిన బోటు ప్రమాద మృతుల కుటుంబాలకు తెరాస ఇన్సూరెన్స్ చెక్కులను ఎమ్మెల్యే ఆరూరి రమేశ్​ అందజేశారు. వరంగల్ అర్బన్ జిల్లా కాజిపేట్ మండలం కడిపికొండలోని మృతుల ఇంటింటికీ వెళ్ళి చెక్కులు అందించారు. బోటు ప్రమాద మృతుల కుటుంబాలకు ఇప్పటికే తెలంగాణ, ఏపీ ప్రభుత్వాలు కలిపి రూ.15లక్షల పరిహారం చెల్లించినట్లు ఎమ్మెల్యే తెలిపారు.

తెరాస సభ్యత్వం ఉన్న 5 కుటుంబాలకు లెబర్ ఇన్సూరెన్స్ నుంచి అదనంగా రూ. 6లక్షల 30వేల చెక్కులు అందించినట్లు వివరించారు. ఇలాంటి ఘటనలు జరగటం దురదృష్టకరమని ఎమ్మెల్యే ఆవేదన వ్యక్తం చేశారు. బాధిత కుటుంబాలకు ప్రభుత్వం తరఫున అన్ని రకాలుగా అండగా ఉంటానని రమేశ్​ హామీ ఇచ్చారు.

ఇదీ చూడండి: అయేషా గోళ్లు, ఎముకలు, కేశాల పరిశీలన