గోదారిలో పడవ ప్రమాదం.. 8 మంది మృతి

ఏపీలోని తూర్పుగోదావరి జిల్లా దేవీపట్నం మండలం కచులూరు సమీపంలో పర్యాటక బోటు మునిగిపోయింది. ప్రమాద సమయంలో బోటులో 72 మంది పర్యాటకులు ఉన్నట్లు అధికారులు వెల్లడించారు.

ఏపీలోని తూర్పు గోదావరి జిల్లా పాపికొండల పర్యాటకంలో పెను విషాదం చోటుచేసుకుంది. దేవీపట్నం మండలం కచులూరు మందం వద్ద గోదావరిలో బోటు ఘోర ప్రమాదానికి గురైంది. బోటులో మొత్తం 72 మందితో పాపికొండలకు వెళ్తుండగా ప్రమాదం జరిగింది. గోదావరిలో ఇప్పటివరకు 8 మృతదేహాలు లభ్యమయ్యాయి. 16 మంది సురక్షితంగా బయటపడ్డారు. బోటులో చిన్నపిల్లలతో సహా 63 మంది ప్రయాణికులు, 9 మంది సిబ్బంది ఉన్నట్లు తెలుస్తోంది. అందులో హైదరాబాద్‌కు చెందిన 22 మంది, వరంగల్​కు చెందిన 14 మంది పర్యాటకులు ఉన్నారు. ప్రయాణికులంతా ఒకేవైపు రావడం వల్ల ప్రమాదం జరిగినట్లు ప్రత్యక్షసాక్షులు తెలిపారు.

ఇవీ చూడండి: లాంచీ ప్రమాద ఘటనపై సీఎం కేసీఆర్ దిగ్భ్రాంతి