కొవిడ్ టీకా రెండో డోస్ కోసం ప్రజల ఇబ్బందులు

రెండో దశ కొవిడ్ టీకా తీసుకునేందుకు వరంగల్ అర్బన్ జిల్లా హన్మకొండ ప్రజలు తీవ్ర ఇబ్బందులు పడుతున్నారు. కరోనా టీకా కోసం వచ్చిన వారితో పీహెచ్​సీ కేంద్రం కిక్కిరిసిపోయింది.

వరంగల్ అర్బన్ జిల్లా హన్మకొండలో కొవిడ్ టీకా రెండో డోస్ కోసం ప్రజలు తీవ్ర ఇబ్బందులు పడుతున్నారు. మొదటి డోస్ తీసుకున్నవారు రెండో డోస్ కోసం పట్టణ ప్రాథమిక ఆరోగ్య కేంద్రానికి బారులు తీరారు.

కొవిడ్ రెండో డోస్ కోసం వచ్చిన వారితో లష్కర్​ సింగారంలోని ప్రాథమిక ఆరోగ్య కేంద్రం కిక్కిరిసి పోయింది. సరైన వసతులు లేక ప్రజలు తీవ్ర ఇబ్బందులు పడ్డారు. కొవిడ్ నియమాలు పట్టించుకోకుండా గుంపులు గుంపులుగా గుమికూడారు. ఇదే సెంటర్​లో కరోనా పరీక్షలు చేస్తుండటం వల్ల లేని వారికి కూడా వైరస్ సోకుతుందేమోనని భయాందోళనకు గురవుతున్నారు.

• ఇదీ చదవండిదేశంలో 4లక్షల కరోనా కేసులు- 4వేల మరణాలు