ఈటీవీ భారత్ ఎఫెక్ట్​: వయ్యారి భామ మొక్కల తొలగింపు..

ఈటీవీ భారత్​ కథనానికి స్పందన లభించింది. వరంగల్​ ఎంజీఎంలో గార్డెన్‌లో వయ్యారి భామ మొక్కలు విస్తరిస్తూ... కొవిడ్​రోగులకు కొత్త రోగం వచ్చేలా ఉన్నాయి. దీనిపై ఈటీవీ భారత్​ రాసిన కథనానికి అధికారులు స్పందించి మొక్కలను తొలగించారు.

వివిధ జబ్బులతో వైద్యం కోసం వచ్చిన రోగులకు కొత్త రోగం తెచ్చేలా వరంగల్​ ఎంజీఎం ఆసుపత్రిలోని గాంధీ విగ్రహం చుట్టూ, పక్కనే గార్డెన్‌లో పెరిగిన వయ్యారి భామ మొక్కలతో కలిగే నష్టాలను వివరిస్తూ గురువారం ‘ఈనాడు- ఈటీవీ భారత్​’లో ‘ఎంజీఎంలో వయ్యారి భామలు’ శీర్షికన ప్రచురితమైన కథనానికి అధికారులు స్పందించారు. వీటిని తొలగించారు.

ఆసుపత్రిలోని వివిధ బ్లాకుల్లో పెరిగిన ఈ కలుపు మొక్కలను పూర్తిగా తొలగించి శుభ్రం చేశారు.

ఇదీ చూడండి:వీధిలో విడిచిపెట్టిన కొడుకు... దీనంగా ఎదురుచూస్తున్న తల్లి