ఎనుమాముల మార్కెట్​లో రికార్డు స్థాయిలో మిర్చి ధరలు

వరంగల్​ అర్బన్​ జిల్లాలోని వ్యవసాయ మార్కెట్​లో కొత్త మిర్చి ధరలు రికార్డు స్థాయిలో పలుకుతున్నాయి. ధరల పట్ల రైతులు హర్షం వ్యక్తం చేస్తున్నారు.

వరంగల్ అర్బన్​ జిల్లా ఎనుమాముల వ్యవసాయ మార్కెట్​లో మిర్చి ధరలు రోజురోజుకూ పెరుగుతూ.. రైతుల్లో నూతన ఉత్తేజాన్ని నింపుతున్నాయి. కొత్త మిర్చి రాకతో మిర్చి యార్డు కళకళలాడుతోంది. కొత్త మిర్చి ధరలు రికార్డు స్థాయి పలుకుతున్నాయి. తేజ రకం ఏకంగా రూ. 18 వేల 3 వందల గరిష్ఠానికి చేరింది. వండర్​హాట్ రకం రూ. 11 వేలు పలకగా.. యూఎస్ 341 రకం రూ. 14 వేలకు పలుకుతోంది. ప్రస్తుత ధరలతో సంతోషంగా ఉందని మిర్చి రైతులు హర్షం వ్యక్తం చేస్తున్నారు. ఈ ధరలు మార్చి వరకూ ఇలాగే కొనసాగాలని అభిప్రాయాన్ని వ్యక్తం చేస్తున్నారు.

ఇదీ చూడండి: గోదాం నిర్మాణాలకు కేంద్రం సహకరించాలి: నిరంజన్‌రెడ్డి