ఆజాదీ కా అమృత్ మహోత్సవ్‌లో భాగంగా హన్మకొండ పోలీస్ పరేడ్ మైదానంలో ఏర్పాటు చేసిన ఛాయాచిత్ర ప్రదర్శన ఆకట్టుకుంటోంది. ఫొటోఎగ్జిబిషన్‌ను గవర్నర్ తమిళిసై సౌందరరాజన్ ప్రారంభించారు. స్వాతంత్ర్య సమరంలో ముఖ్య ఘట్టాలతో ఏర్చి కూర్చిన చిత్రాలను ఆసక్తిగా తిలకించారు.
చిత్రాలు చెబుతున్న సంగతులు..
మహాత్ముడి సారథ్యంలో అహింసే ఆయుధంగా సాగిన స్వాతంత్ర్య పోరాటం.. ఈనాటికీ ఏనాటికీ కూడా...చరిత్రలో మహోన్నతంగా నిలిచిపోతుంది. భారతీయులంతా ఒక్కటై... ఉప్పెనలా విరుచుకుపడి రవి అస్తమించని బ్రిటీష్ సామ్రాజ్యాన్ని గడగడలాడించిన తీరు....ఎందరికో స్ఫూర్తినిస్తుంది. మరెందరికో ఆదర్శంగా నిలుస్తుంది. స్వాతంత్ర్య సంగ్రామాన్ని నేటితరానికి పరిచయం చేస్తోంది ఈ ఛాయచిత్ర ప్రదర్శన.