ప్రధాని మోదీ ఇస్తున్న రూ.500 కోసం ప్రజల ఆవేదన

లాక్​డౌన్​ సమయంలోనూ వరంగల్​ గ్రామీణ జిల్లా వర్ధన్నపేటలోని బ్యాంకుల వద్ద ప్రజలు బారులుతీరారు. ప్రధాని మోదీ ఇస్తున్న రూ. 500 కోసం తాము ఉదయం నుంచి పడిగాపులు కాస్తున్నామని వారు ఆవేదన వ్యక్తం చేస్తున్నారు.

లాక్​డౌన్ కారణంగా ప్రజల కష్టాలను దృష్టిలో పెట్టుకొని కేంద్ర ప్రభుత్వం జన్​ధన్ ఖాతాల్లో రూ. 500 జమ చేసింది. అయితే ఆ జమ అయిన డబ్బులు తీసుకునేందుకు ప్రజలు నానా ఇబ్బందులు పడుతున్నారు. సంబంధిత బ్యాంకుల వద్ద బారులు తీరి డబ్బుల కోసం పడిగాపులు కాస్తున్నారు. తాజాగా వరంగల్ గ్రామీణ జిల్లా వర్ధన్నపేట మండల కేంద్రంలో ఖాతాదారులు మోదీ 500 కోసం ఈ పాట్లు అంటూ తమ ఆవేదనను వ్యక్తం చేస్తున్నారు.

ఉదయం నుంచి సాయంత్రం వరకు వేచి చూసినా తమకు డబ్బులు ఇవ్వడం లేదని.. కూలీ చేసుకునే తమకు ఈ 500 రూపాయలు ఎంతో మేలు చేస్తుందని సంతోషపడే లోపే బ్యాంకు అధికారులు ఆ డబ్బులు ఇవ్వడంలో ఇబ్బందులు పెడుతున్నారని ప్రజలు వాపోతున్నారు.

ఇదీ చదవండి:కడుపున బిడ్డను మోస్తూ.. 142కి.మీ కాలినడక