సందడి చేసిన 'ఒరేయ్ బుజ్జిగా' సినిమా బృందం

కాజీపేటలో 'ఒరేయ్ బుజ్జిగా' సినిమా యూనిట్ సందడి చేసింది. తాళ్ల పద్మావతి ఇంజినీరింగ్ కళాశాలలో పల్స్-2020 కార్యక్రమానికి సినిమా బృందం హాజరై పలు పాటలకు నృత్యాలు చేసి ఆకట్టుకున్నారు.

వరంగల్ నగరంలో 'ఒరేయ్ బుజ్జిగా' సినిమా యూనిట్ సందడి చేసింది. వరంగల్ పట్టణ జిల్లా కాజీపేటలోని తాళ్ల పద్మావతి ఇంజినీరింగ్ కళాశాలలో పల్స్-2020 కార్యక్రమానికి సినిమా టీం హాజరైంది. అందులో భాగంగా కళాశాల విద్యార్థులు పలు సాంస్కృతిక నృత్యాలు చేశారు.

కథానాయకుడు రాజ్ తరుణ్, నటి సిరి వరంగల్​కి రావడం చాలా సంతోషంగా ఉందన్నారు. తమ సినిమాను చూసి ఆదరించాలని కోరారు. సినిమా బృందం పలు పాటలకు చిందులు వేసి విద్యార్థులను అలరించారు. బృందం చిందులకు అనుగుణంగా విద్యార్థులు కేరింతలు కొడుతూ ఉత్సాహపరిచారు. ఈ కార్యక్రమంలో హీరో రాజ్ తరుణ్, నటీనటులు మధు, సిరి, సినిమా దర్శక నిర్మాతలు పాల్గొన్నారు.

ఇదీ చూడండి :గొర్రెల పంపిణీలో జాప్యం.. 16న రోడ్ల దిగ్బంధనం