బోటు ప్రమాద బాధిత కుటుంబాలకు చెక్కుల పంపిణీ

ఏపీలోని కచ్చలూరు వద్ద గోదావరిలో బోటు ప్రమాదంలో మృతుల కుటుంబాలకు ఎమ్మెల్యే అరూరి రమేశ్​,  కలెక్టర్ ప్రశాంత్ జీవన్ పాటిల్ నష్టపరిహార చెక్కులను అందజేశారు.

సెప్టెంబర్ 15న ఏపీలోని గోదావరి నదిలో పడవ బోల్తా ఘటనలో మృతిచెందిన వరంగల్​ అర్బన్ జిల్లా కాజీపేట మండలం కడిపికొండ వాసుల కుటుంబాలకు నష్టపరిహారం అందించారు. ఎమ్మెల్యే ఆరూరి రమేశ్ బాధిత కుటుంబీకులకు చెక్కులు అందించారు.​ గ్రామానికి చెందిన 15 మంది విహరయాత్రకు వెళ్లగా 9మంది మృత్యవాతపడ్డారు. మృతుల కుటుంబాలకు ఏపీ ప్రభుత్వం రూ.10లక్షలు, తెలంగాణ సర్కారు రూ.5లక్షలు పరిహారం ప్రకటించగా..... వాటితో పాటు లేబర్​ ఇన్సూరెన్స్​ ఉన్న వారికి అదనంగా రూ.6లక్షల 30వేల రూపాయలు అందించారు. మొత్తంగా తొమ్మిది మంది బాధిత కుటుంబాలకు కోటి, 66లక్షల, 50వేల విలువైన చెక్కులు అందించారు. మృతుల కుటుంబాలను అన్ని విధాల ఆదుకుంటామని ఎమ్మెల్యే హామీ ఇచ్చారు.

ఇదీ చూడండి: ఆర్టీసీ కార్మికుల సమ్మె విరమణ