చల్లా ధర్మారెడ్డి ఇంటిపై దాడిని ఖండించిన మంత్రి సత్యవతి

చల్లా ధర్మారెడ్డి ఇంటిపై దాడిని మంత్రి సత్యవతి రాఠోడ్​ ఖండించారు. దాడిపై భాజపా నాయకులు ప్రజలకు సమాధానం చెప్పాలని డిమాండ్​ చేశారు. రామమందిర నిర్మాణానికి ఎవరూ వ్యతిరేకం కాదని వెల్లడించారు. రాజకీయ లబ్ధి కోసమే భాజపా నాయకులు కుట్ర పన్నారని ఆరోపించారు.

పరకాల ఎమ్మెల్యే చల్లా ధర్మారెడ్డి ఇంటిపై భాజపా శ్రేణుల దాడిని మంత్రి సత్యవతి రాఠోడ్​ ఖండించారు. ఈ తరహా చిల్లర రాజకీయాలకు భాజపా నాయకలు స్వస్తిపలకాలని హితవు పలికారు.

భక్తి ముసుగులో భాజపా నేతలు... రాక్షస పనులు చేయొద్దని సూచించారు. జైలుకెళ్లి సానుభూతి సంపాదించేందుకే కమలం నేతలు... ఈ విధంగా దాడులకు తెగబడుతున్నారని అన్నారు.

హన్మకొండలో ఎమ్మెల్యే చల్లా ధర్మారెడ్డి ఇంటికి వెళ్లిన సత్యవతి రాఠోడ్​.. ఆయనను పరామర్శించారు. దాడి జరిగిన తీరును అడిగి తెలుసుకున్నారు. రామమందిర నిర్మాణానికి ఎవరూ వ్యతిరేకం కాదని వెల్లడించారు. రాజకీయ లబ్ధి కోసమే భాజపా నాయకులు కుట్రపన్నారని ఆరోపించారు.

• ఇదీ చదవండి: 'ఎవరి మనసులైనా నొచ్చుకుని ఉంటే మన్నించండి'