'నాలాల ఆక్రమణలపై ఉక్కుపాదం మోపుతాం'

వరంగల్​ నగరంలోని నాలాల ఆక్రమణలపై ఉక్కుపాదం మోపుతామని మంత్రి ఎర్రబెల్లి దయాకర్​రావు పేర్కొన్నారు. వర్షాల కారణంగా తలెత్తిన సమస్యలపై అధికారులతో సమీక్షా సమావేశం నిర్వహించారు.

మంత్రి ఈటలతో కలిసి కేటీఆర్ రేపు వరంగల్​ రానున్నారని పంచాయతీరాజ్ శాఖ మంత్రి ఎర్రబెల్లి దయాకర్​రావు పేర్కొన్నారు.​ వరద నష్టంపై పరిశీలన జరపనున్నట్లు తెలిపారు. ఈ నేపథ్యంలో వర్షాలు, వరదల కారణంగా ప్రజల ఇబ్బందులు, దెబ్బతిన్న రహదారులు, పంట నష్టం తదితర అంశాలపై ఆర్అండ్​బీ అతిథి గృహంలో అధికారులతో సమీక్షా సమావేశం నిర్వహించారు. మంత్రి సత్యవతి రాఠోడ్, ప్రభుత్వ చీఫ్ విప్ వినయ్​భాస్కర్, మేయర్ గుండా ప్రకాశ్​రావు సమావేశంలో పాల్గొన్నారు.

వరదల కారణంగా నష్టపోయిన వారిని అన్ని విధాలా ఆదుకుంటామని మంత్రులు ఎర్రబెల్లి, సత్యవతి రాఠోడ్ పేర్కొన్నారు. నాలాల ఆక్రమణలపై ఉక్కుపాదం మోపుతామని తెలిపారు. నగరవాసులకు భవిష్యత్తులో ఇలాంటి సమస్యలు రాకుండా చర్యలు తీసుకుంటామని స్పష్టం చేశారు.