ఈ నెల 17వ తేదీన రాష్ట్ర పురపాలక శాఖ మంత్రి కేటీఆర్ వరంగల్ జిల్లాకు రానున్న నేపథ్యంలో పకడ్బందీగా ఏర్పాట్లు చేయాలని మంత్రి ఎర్రబెల్లి దయాకర్ రావు అధికారులను ఆదేశించారు. ఈ సందర్భంగా హన్మకొండలో ఎంపీలు, ఎమ్మెల్యేలు, ఎమ్మెల్సీ కడియం శ్రీహరి, కలెక్టర్ రాజీవ్ గాంధీ హనుమంతు, వరంగల్ నగర పోలీస్‌ కమిషనర్‌ రవీందర్లతో మంత్రి సమావేశమయ్యారు. కేటీఆర్ పర్యటనపై చర్చించారు.
'మంత్రి కేటీఆర్ పర్యటన నేపథ్యంలో పకడ్బందీగా ఏర్పాట్లు చేయాలి' - మంత్రి కేటీఆర్ పర్యటన
వరంగల్లో ఐటీ, పురపాలక శాఖ మంత్రి కేటీఆర్ పర్యటన నేపథ్యంలో పకడ్బందీగా ఏర్పాట్లు చేయాలని మంత్రి ఎర్రబెల్లి దయాకర్రావు అధికారులను ఆదేశించారు. కరోనా నేపథ్యంలో తగిన జాగ్రత్తలు తీసుకోవాలని సూచించారు.
'మంత్రి కేటీఆర్ పర్యటన కోసం పకడ్బందీగా చర్యలు చేపట్టాలి'
అంతకు ముందు కేటీఆర్ ప్రారంభించే మినీ ట్యాంక్బండ్ , అంబేడ్కర్ నగర్లో ప్రారంభించనున్న 590 రెండు పడక గదుల గృహ సముదాయాలను, పోతన జంక్షన్ను, కేంద్రీయ కారాగారం వద్ద నిర్వహిస్తున్న నర్సరీని మంత్రి పరిశీలించారు. ఎక్కువ మంది వచ్చే అవకాశం ఉన్నందున కొవిడ్-19 దృష్ట్యా వేదిక, సీటింగ్, వాహనాల పార్కింగ్ మొదలగునవి ప్రణాళిక బద్ధంగా ఏర్పాటు చేయాలని అధికారులను మంత్రి దయాకర్ రావు ఆదేశించారు. కరోనా వైరస్ నేపథ్యంలో నాయకులు, ఇతరులు రాకుండా సహకరించాలని కోరారు.
ఇవీ చూడండి: 80 శాతం మొక్కలు బతక్కపోతే చట్టపరమైన చర్యలు: కేటీఆర్