కేసుల నమోదుపై శిక్షణా పోలీసులకు అవగాహన

వరంగల్​ అర్బన్​ జిల్లా ధర్మసాగర్​ పోలీస్​ స్టేషన్​ 80 మంది శిక్షణ పోలీసులు సందర్శించారు. కేసుల నమోదు, సాక్ష్యాల సేకరణ తదితర అంశాలపై వారికి సీఐ అవగాహన కల్పించారు.

వరంగల్ అర్బన్ జిల్లా ధర్మసాగర్ పోలీస్ స్టేషన్​ను శిక్షణా కానిస్టేబుళ్లు సందర్శించారు. మడికొండలోని పోలీస్ శిక్షణా క్యాంపులోని 80 మంది వచ్చారు. కేసుల నమోదు, సాక్ష్యాల సేకరణ, పంచనామా నిర్వహణ వంటి తదితర అంశాలపై స్థానిక సీఐ అవగాహన కల్పించారు.

పోలీస్ స్టేషన్​కి వెళితే తమకు న్యాయం జరుగుతుందనే నమ్మకం ప్రజల్లో ఉందని.. ఆ నమ్మకాన్ని నిలుపుకునే విధంగా పోలీసుల పనితీరు ఉండాలని సీఐ తెలిపారు. నేర సంఘటనలకు సంబంధించిన కేసులను త్వరితగతిన చేధించేందుకు వీలుగా.. సాంకేతిక నైపుణ్యాలను ఎప్పటికప్పుడు పెంపొందించుకోవాలని సూచించారు.

ఇవీ చూడండి:ఐనవోలులో బీరు సీసాతో గొంతుకోసి హత్య