దేశ ఆర్థిక వ్యవస్థను దెబ్బ తీసేందుకు కు​ట్ర : తమ్మినేని వీరభద్రం

కేంద్ర, రాష్ట్ర ప్రభుత్వాలు దేశంలో ఉన్న సంపదను కార్పొరేట్ శక్తులకు అప్పగించి సరళీకృత ఆర్థిక వ్యవస్థను దెబ్బతీస్తున్నాయని సీపీఎం రాష్ట్ర కార్యదర్శి తమ్మినేని వీరభద్రం ఆరోపించారు. వరంగల్​ పట్టణ జిల్లా హన్మకొండలలో వామపక్ష పార్టీల ఎమ్మెల్సీ ఎన్నికల సన్నాహక సమావేశంలో ఆయన పాల్గొన్నారు.

కేంద్ర రాష్ట్ర ప్రభుత్వాలు దేశంలోని సంపదను దోచి.. కార్పొరేట్​ శక్తులకు కట్టబెట్టి మన ఆర్థిక వ్యవస్థను దెబ్బ తీస్తున్నాయని సీపీఎం రాష్ట్ర కార్యదర్శి తమ్మినేని వీరభధ్రం అన్నారు. వరంగల్​ పట్టణ జిల్లా పరిధిలోని హన్మకొండలో వామపక్ష పార్టీల ఎమ్మెల్సీ ఎన్నికల సన్నాహక సమావేశంలో ఆయన పాల్గొన్నారు.

పరిశ్రమలను ప్రైవేట్​ పరం చేయడం వల్లే నిరుద్యోగం పెరిగిందని.. లాక్​డౌన్​ వల్ల ఇప్పటి వరకు దేశంలో 15 లక్షల ఉద్యోగాలు పోయాయని తమ్మినేని తెలిపారు. కేంద్ర రాష్ట్ర ప్రభుత్వాలు ప్రజా వ్యతిరేక విధానాలు అవలంబిస్తున్నాయని ఆరోపించారు. శాసన మండలిలో ప్రజాగొంతు వినిపించేందుకు వామపక్ష అభ్యర్థిని గెలిపించాలంటూ ప్రచారం చేశారు. ఈ కార్యక్రమంలో సీపీఐ రాష్ట్ర కార్యదర్శి చాడ వెంకట్ రెడ్డి, వామపక్ష పక్ష పార్టీలు బలపర్చిన ఎమ్మెల్సీ అభ్యర్థి జయసారధి రెడ్డి హాజరయ్యారు.

ఇదీ చూడండి:విష జ్వరాలు ప్రబలకుండా అప్రమత్తంగా ఉండాలి: ఈటల