వరంగల్ తూర్పు, పశ్చిమ, వర్ధన్నపేట, పరకాల నియోజకవర్గాల్లో మంత్రి కేటీఆర్ పర్యటన బిజీ బిజీగా సాగింది. సోమవారం ఉదయం 9 గంటలకు ప్రారంభమైన పర్యటన...రాత్రి 7 గంటల వరకూ సాగింది. రెండున్నర వేలకోట్ల రూపాయల విలువైన సంక్షేమ కార్యక్రమాలకు మంత్రి శ్రీకారం చుట్టారు.
అభివృద్ధి బాటలో నగరం
వరంగల్ వాసులకు తాగు నీరందించేందుకు... 1,589 కోట్ల రూపాయలతో నిర్మించిన ట్యాంకు ప్రారంభించారు. పలు చోట్ల డబుల్‌ బెడ్రూం ఇళ్లు, షాదీ ఖానాలు, సమీకృత మార్కెట్లను ప్రాంభించారు. కేంద్రం కాజీపేట కోచ్‌ ఫ్యాక్టరీ, బయ్యారం ఉక్కు ఫ్యాక్టరీ సహా అనేక అంశాల్లో కేంద్రం మొండి చేయి చూపినా... నగరాన్నిఅభివృద్ధి బాటలో నడిపిస్తున్నామన్నారు. హైదరాబాద్‌ తర్వాత అత్యంత గొప్పగా... ఉత్తమ ద్వితీయ శ్రేణి నగరంగా వరంగల్‌ను తీర్చిదిద్దుతామన్నారు.