'జాతరకు ముస్తాబవుతున్న కొత్తకొండ వీరభద్రడు'

వరంగల్ అర్బన్ జిల్లాలోని కొత్తకొండలో కొలువుదీరిన వీరభద్రుడి జాతర మరో నాలుగు రోజుల్లో మెుదలుకానుంది. ఉత్సవాలకు రాష్ట్రం నుంచే గాక ఇతర రాష్ట్రాల నుంచి పెద్ద సంఖ్యలో భక్తులు హాజరవుతున్నారు.

వరంగల్ అర్బన్ జిల్లా భీమదేవరపల్లి మండలం కొత్తకొండలో శ్రీ వీరభద్ర స్వామి జాతర ఈ నెల 10 నుంచి ప్రారంభం కానుంది. రాష్ట్రవ్యాప్తంగా కొత్తకొండ దేవస్థానం ప్రసిద్ధి గాంచింది. కాకతీయుల కాలంలో ఈ ఆలయాన్ని నిర్మించినట్లు ఆనవాళ్లు ఉన్నాయి. కోరిన కోరికలు తీర్చే కోర మీసాల స్వామిగా వీరభద్రుడు ఇక్కడ కొలువుదీరాడు. ఈ దేవస్థానానికి రెండు వందల ఏళ్ల పురాతన చరిత్ర ఉందని స్థానికుల అభిప్రాయం.

ఈ నెల 10 నుంచి జాతరలో భాగంగా స్వామివారి కళ్యాణం జరుగుతుంది. 18న అగ్నిగుండాలతో ఈ ఘట్టం ముగియనుంది. స్వామి వారికి గుమ్మడికాయలు నైవేద్యంగా సమర్పించడం ఇక్కడి ప్రత్యేకత. రంగుల రాట్నం, కుమ్మరుల ఎడ్ల బండ్లు, మేకల బండ్లు భక్తులను అలరించనున్నాయి. రాష్ట్రం నుంచే కాక ఇతర రాష్ట్రాల భక్తులు కూడా ఈ వేడుకలో పాల్గొనేందుకు అధిక సంఖ్యలో తరలివస్తారు.

ఇవీ చూడండి : 'వైభవంగా శ్రీవారి వైకుంఠ ద్వార వేడుకలు'