వ్యవసాయ పరిశోధన కేంద్రంలో కిసాన్​ మేళా

వరంగల్ ప్రాంతీయ వ్యవసాయ పరిశోధన కేంద్రంలో నిర్వహించిన కిసాన్​ మేళాలో రైతులకు పథకాలపై, వ్యవసాయంపై పలు విలువైన సూచనలిచ్చారు.

వరంగల్ ప్రాంతీయ వ్యవసాయ పరిశోధన కేంద్రంలో కిసాన్ మేళా నిర్వహించారు. వ్యవసాయ శాఖ ఆధ్వర్యంలో నిర్వహించిన ఈ మేళాలో జలశక్తి అభియాన్ కార్యక్రమాలు, వ్యవసాయంలో ఉపయోగించే పద్ధతులపై పలువురు వ్యవసాయ శాస్త్రవేత్తలు మాట్లాడారు. నీటిని పొదుపుగా వాడాలని ప్రతీ ఇంటికీ ఇంకుడు గుంతలు ఏర్పాటు చేసుకోవాలని కలెక్టర్ కోరారు. నీటి కుంటల ఏర్పాటు చేసుకోవడం వల్ల భూగర్భజలాలు సమృద్ధిగా పెరిగే అవకాశాలున్నాయన్నారు. కార్యక్రమంలో వివిధ రకాల పంట ఉత్పత్తులను, మేలి రకం ఎరువులను ప్రదర్శనకు ఉంచి అవగాహన కల్పించారు.

ఇదీ చదవండిః 'రాష్ట్రంలో పండిన ప్రతి ధాన్యం గింజను కొంటాం'