హాస్టల్​ ఖాళీ చేయించారని.. విద్యార్థుల ఆందోళన..

Kakatiya University students Concern: మొన్న తెలంగాణ విశ్వవిద్యాలయం విద్యార్థులు వసతి గృహాలను సమస్యలను పరిష్కరించాలని రోడ్డెక్కితే.. నేడు కాకతీయ విశ్వవిద్యాలయ విద్యార్థులు అదే బాట పట్టారు. విద్యార్థులు నివాసం ఉంటున్న వసతి గృహాలను ఖాళీ చేయడాన్ని నిరసిస్తూ విద్యార్థులు ఆందోళనలకు దిగారు. ఇంతకీ అసలు సమస్య ఎక్కడి నుంచి వచ్చిందే చేసేద్దామా!

Kakatiya University students Concern: తెలంగాణలోని యూనివర్సిటీల సమస్యలు నాటినాటికి పెరుగుతూ వస్తున్నాయి. తాజాగా హనుమకొండలోని కాకతీయ విశ్వవిద్యాలయంలోని వసతి గృహ సమస్యను పరిష్కరించాలని కోరుతూ విద్యార్థులు ఆందోళనలు చేపట్టారు. యూనివర్సిటీ వసతి గృహంలో ఉంటున్న విద్యార్థులను బలవంతంగా ఖాళీ చేయించడాన్ని నిరసిస్తూ విద్యార్థులు ఆగ్రహం వ్యక్తం చేశారు. విశ్వవిద్యాలయం మొదటి గేటు వద్ద విద్యార్థులు బైఠాయించి, నిరసనలు తెలిపారు.

విద్యార్థుల పట్ల కాకతీయ యూనివర్సిటీ ఉపకులపతి కక్ష సాధింపు చర్యలకు పాల్పడుతున్నారని విద్యార్థులు ఆరోపించారు. వసతి గృహాల్లో చాలా మంది పేద, మధ్యతరగతులకు చెందిన విద్యార్థులే ఉంటూ చదువుతున్నారని అన్నారు. ఎంతో మంది విద్యార్థులు దూర ప్రాంతాల నుంచి ఇక్కడికి వచ్చి హాస్టల్స్​లో ఉంటూ చదువుకుంటున్నారని.. ఇప్పుడు వారు ఎక్కడికి వెళ్లిపోవాలని ప్రశ్నించారు.

ఇలాంటి చర్యల వల్ల వాళ్లు చదువులకు దూరం అవుతారని ఆందోళన వ్యక్తం చేశారు. వీరి పట్ల అధికారులు కుట్రలు చేసి, వసతి గృహాన్ని ఖాళీ చేయిస్తున్నారని ఆగ్రహం వ్యక్తం చేశారు. తమకు న్యాయం జరిగే వరకు ఈ పోరాటం కొనసాగిస్తామని విద్యార్థులు తెలిపారు. తక్షణమే తమకు వసతి గృహాన్ని కేటాయించాలని విద్యార్థులు డిమాండ్​ చేశారు.

ఇవీ చదవండి: