ఎన్ని జాగ్రత్తలు తీసుకుంటున్నా ఆగని కరోనా.. ప్రజల్లో ఆందోళన

వరంగల్​ అర్బన్​ జిల్లాలో కరోనా బాధితుల సంఖ్య క్రమక్రమంగా పెరుగుతోంది. ఎన్ని జాగ్రత్తలు తీసుకుంటున్నా.. కొత్త కేసులు భారీగా వస్తుండటం వల్ల ఇటు ప్రజలు, అటు అధికారులు ఆందోళన చెందుతున్నారు.

వరంగల్ అర్బన్ జిల్లాలో కరోనా వైరస్ తీవ్రత అంతకంతకూ పెరుగుతోంది. ఇప్పటి వరకు జిల్లాలో 419 మంది ఈ మహమ్మారి బారినపడ్డారు. 17 మంది మృతి చెందారు. 274 మంది హోం ఐసోలేషన్​లో ఉండి చికిత్స పొందుతున్నారు.

పలువురు ప్రజాప్రతినిధులు సైతం ఈ వైరస్​ కోరల్లో చిక్కుకుంటున్నారు. తాజాగా వరంగల్ మేయర్ గుండా ప్రకాశ్​రావు దంపతులకు జరిపిన పరీక్షల్లో పాజిటివ్​గా తేలినట్లు వైద్యులు నిర్ధారించారు. గ్రేటర్ వరంగల్​లోని ఉద్యోగులనూ కరోనా కలవరపెడుతోంది. ఇంజినీరింగ్ ఉద్యాన విభాగాల్లో ఇద్దరికి వైరస్ సోకింది. ఫలితంగా వీరిని ఇటీవల కలిసిన మరి కొంతమంది సిబ్బంది ముందు జాగ్రత్తగా హోం క్వారంటైన్​లో ఉన్నారు.